今集我哋講兩件發生喺香港嘅「小事」——一個係Benz女司機違泊巴士站，拒絕離開，仲向乘客舉中指挑釁；另一個係觀塘工廈男，食完煙之後將未熄嘅煙頭直接彈出窗外。兩件事，表面上好似係兩個獨立嘅無品行為，但當我哋將呢兩件微觀嘅小事放大嚟睇，你會發現，呢啲正正係反映緊香港社會某啲人嗰種「唯我獨尊」、「理得你死」嘅極端自私心態。而呢種心態，分分鐘係會攞命嘅！宏福苑168條人命嘅教訓，難道仲唔夠深刻？
