深水埗銀杏冰室伯伯兩元買白飯「我有畀錢㗎！」職員偷加餸守護尊嚴

深水埗社企「銀杏館」冰室，每天都迎來一位叫「輝叔叔」嘅熟客，佢以兩港元購買一碗白飯，每次都堅持重複說三次「我有畀錢㗎！」，守護著自己嘅尊嚴。冰室店長一句「唔好用自己把尺去度人」，改變咗職員嘅態度，自此職員開始悄悄喺輝叔叔嘅兩元白飯中加上餸菜，令平凡一碗白飯變成愛心飯，呢份善意更逐漸感染左右街坊，令網民深深感動。